ماهي على كيف
العطش، والسحابه
اما سكنتي [الحب]،
والا تركتيـِه !!
تعبت من خوّة
( جنون الكتابه )
كل ماغفا حرفي تصحيه
[ يا هييـِه ] ..!
وادوّر لجاامـه
وانـوّخ ركااابه
واسافر فـ [ حلمي ]
من وجيه لوجيـِه ..
يالصاحب اللي ما سأل
( في غيابه )
تبحر مراكب حسرتي
في شواطيـِه ..
لي خافق(ن)
شتت أنين الربااابه
ياخي برحيلك،
خافقي وين اوديـِه!؟
,,
جيتك , وأنا في داخلي زحمة كلام
ألف أبو مليون .. قصه , وسالفه !
شي حزن, وشي بوح, وشي ملام
وأكثره (( آهات روح ٍ )) .. تالفه
قلت أسولف لك عساي أقدر أنام
وأستريح .. من العنا .. وموالفه !
طارت أسراب الحكي بإسم السلام
تحلم بـ (غصن السماع) .. تحالفه
ماتحقق حلمها ,,, ومات الـحمام
والبقيه ,, بـ رأس (باقي السالفه)!
,,
ذااابت ضلوعي .. من كثر ماانتظرتك ..
كن انتظآرك نار .. وضلوعي الشمع ..!!
,,
أخاف ان قلت لك:
والله، ورب الكون
أنا أحبّك
تشحّ بـ جيّتك يمّي
و "تتبغدد" /
وتجفاني !!
,,
يا اللي تقول ان الهوى
لا عبن بك
لا الصوت يا صلني،
ولا أقدر أحاكيك!
للحين أحبك ..
والأماكن تحبك
والذاكرة ..
ما زالت تجيب طاريك
,,
ما تشبهين الصبح .. هو يشبهك .. بالنور
في يَدْك .. لَه .. بسمه .. والثانيه .. مفتاح
هاتي .. شفاهك .. شوق .. لجل الغرام يثور
وإلا ّ إتركيني .. فيك .. صبح ٍ يبي , يرتاح
,,
خيل القصيد
اللي رسنها بـ ( يمناي )!،
[ عيّت ] .. تجسّد ..
بـ القصايد طعوني ..!!
لين [ انتخى ] همّي،
وجيته من اقصاي ..
حتى الهموم افزع لها
[ لانتخوني ] .. !!
,,
صباح الخير / بس اللي يجي منك !!
صباح النور لامن جا بـ ضحكاتك
صباح الورده اللي نامت ب حضنك
صباح السكر اللي فاق بـ شفاتك
لي شعورٍ ليت قلبك / يوصله
مايكفّي عنه أعبّر بالكلااااااام!
حتى جرحك في حشاي ّ/ مدلّله
حط راسه فوق قلبي، لييين نام!
,,
مامرّ في صدري عذر
الاّ رميـته / واحتـرق
حتى استحيت من الضلوع
ليا نشدتني .. (مالفى )؟!
طفل الفَرح ياهيه ..
كل ما ارتشف زولك [شرَق]
بالواقـع اللي مانسكب
في داخل عروقي ( وفا ) !!
,,
..
الهدايا تساقط من غصن..رفي
ياخريف الغلا...لاطاحت اوراقي !
هو انا اللي هنا..والا انك مقفي
صرت احس اني مسافر وانا باقي!
من كثر مابكيت اعشوشبت كفي
من كثر ماوقفت...اتعتقت ساقي !!
ياترى جيت في بالك وانا آخفّي
دمعتي عنك..واضحكلك من اعماقي
هالحزن مر..وانته منت في صفي
لين صرتوا عليّ وخربت اخلاقي!
حي برّا...ومن جواي متوفي
احسن الله عزاك..بركض خفاقي!
,,
مسا الخيرات ياصوت :
طرق سمعي ..
وانا ساهي ..
تقل : صاحي !
تقل : نايم !
مابين , وبين / واوحيته ..
مسا الخيرات ..
ياثلج :
تلحف حمرة الشاهي
حكيه
بكل لغات الآرض
يفهم / من شفافيته ..
وش تبي ..
كلمة أحبك ؟؟
ما أحبك !
بس أموت
بكل صوت تغرده
صبح وعشية !
موضوع: كلمات رقيقة وجميلة - نصيات للجوال 
الخميس أبريل 22, 2010 2:49 pm